المحتويات
لعلك رأيت مؤخرا أحد مطابخ ايكيا واعجبك جمال التصميم واندماج اللون الأبيض مع الإضاءة، ولكنك لا تزال متحير من تناقض تجارب البعض مع مطابخ ايكيا، فالبعض يرى انها تتطلب الحرص والعناية والأخر يرى أن الأمر طبيعي. لا عليك من هذه الحيرة سنتعرف سويا كيف تصنع ونوعية الخشب المستخدم وتجارب البعض مع مطابخ ايكيا.
مادة صنع اثاث ايكيا
خزائن مطبخ ايكيا مصنوعة من مجموعة متنوعة من المواد الاصطناعية، وهي الواح الخشب الحبيبي والخشب المضغوط MDF، هذه المواد سعرها رخيص وتحافظ على متانتها وقوتها في الظروف الجافة.
قد تتساءل … “ماذا لو تبللت ؟!”
من الطبيعي عندما يخضع أي خشب لفترات طويلة من الرطوبة يحدث له تضرر، سواء كان خشب طبيعي او معاد تدوير “MDF”. الفرق هو أن MDF سوف يتضرر أكثر من الخشب الطبيعي، فالواح الخشب الاصطناعي تنتفخ وتتفكك عند تعرضها للماء، ولكن عندما يتعرض الخشب الطبيعي للرطوبة او الماء فان طبقته الخارجية تتعفن فقط، ويمكن معالجته على عكس الخشب المصنع.
الخشب الاصطناعي MDF
يحب نقاد مطابخ ايكيا الإشارة إلى أنها ليست مصنعة من خشبًا طبيعيا وتستخدم الخشب الاصطناعي عوضا عنه. على الرغم من أن IKEA تستخدم بشكل مكثف خشب MDF – فهي تعتبر أكبر مستخدمي خشب MDF في جميع أنحاء العالم، إلا أن ذلك لا يجعلها فريدة من نوعها بين الشركات المصنعة للخزائن، حيث يستخدم جميعهم تقريبًا شكلًا ما من الالواح المصممة هندسيًا في تصنيع الخزانات والاثاث. ومن غير الدقيق إلى حد ما – القول ان MDF ليس خشبًا، لأن المادة مُصنَّعة من مزيج معاد تدويره يتكون من الخشب الصلب والخشب اللين.
بعد ذلك يتم استخدام الراتنجات والشمع وتُضغط على شكل الواح تحت درجة حرارة وضغط عالٍ. يمكن القول بان خشب MDF بنفس الدرجة التي يكون بها الخشب الرقائقي المصنوع من رقائق الخشب والراتنجات التي تربط الطبقات الرقيقة من الخشب في ألواح هيكلية لاستخدامها لاحقا في صناعة الأثاث. ومن عيوب هذا النوع من الخشب ان سطحه يمكن ان يخدش بسهولة، كما ان الحواف الحادة يمكن أن تتلف.
مميزات مطابخ ايكيا
أعتقد أنك الآن قد كونت فكرة عن مطبخ ايكيا. لذلك قبل الدخول في السلبيات، لنلخص إيجابيات:
- تعدد التصميمات الجذابة
- عملية التركيب بسيطة نسبيا
- يمكن أن يكون تصميم المطبخ جاهز أو مخصص كما تريد
- المطبخ يحتوي كماليات عملية لتنظيم أدوات المطبخ والمائدة
عيوب مطابخ ايكيا
- لا تدوم طويلا
- الخشب يتطلب عناية فائقة من الحرارة والرطوبة، فالماء يؤدي الى تلف وانتفاخ الألواح.
- صعوبة ترميم الجزء التالف وقد تضر تغير الجزء بأكمله
- بالرغم ان ضمان ايكيا طويل الاجل، الا انه في حالة حصول ضرر قد يقال لك “انه سوء استعمال منك”`
ذات صلة: تخفيضات ايكيا مصر
لمن تصلح مطابخ ايكيا
بالرغم من اخشاب مطابخ ايكيا اصطناعية الا انها تصلح لمن يقضون وقت كبير خارج المنزل او لمن يعيشون بمفردهم او لمن يحبون تجديد الأثاث من وقت لأخر ويبحثون عن جمال التصميم ويفضلون اللون البيض.
تجربة البعض مع مطابخ ايكيا
بالرغم من ان مثل “أسأل مجرب ولا تسأل طبيب” الى حد ما غير دقيق، الا ان ما يحيكه البعض عن واقع تجربته قد يكون الاصح، اليك راي البعض ممن جربوا مطابخ ايكيا. الآراء التالية مصدرها تعليقات بعض الناس من الفيسبوك.
إيكيا معموله مش لأثاث العمر الطويل (بالمفهوم المصري) يعني انا كنت في كم بلد الناس بتجدد العمائر كلها كل ٥ سنين و بالتالي تلاقي الناس بتجدد العفش نفس القصة …. لكن احنا بنعتمد علي العفش طويل العمر …. إيكيا انا مجربها في حاجات كتير هي كويسة بس عمري ما جربتها في اثاث للمطابخ او الحمام اللي بيكون في مياة كتير
مبدئيا مطبخي من ايكيا بقاله حوالي سنه و نص كمطبخ كويس بس محتاج محافظه بمعنى الوورك توب علشان خشب مش رخام مزعج شويه بس ليه دهاناته بتحافظ عليه و تعمل طبقه شبه عازله بس ممكن تغيريها برخام بس مش من عند ايكيا
ميزانية المطبخ كام .. الخشب بتاع ايكيا مش سئ زي ما الناس متصورة .. هو خشب MDF عالي الضغط .. و معزول عزل جيد .. أنا عن نفسي جبت مطبخ من ايكيا و لقيت انه حدفع نفس السعر و اكتر لنجار و حيطلع عيني و انا بستنى يخلص .. فشتريت دماغي و جبت مطبخ صغير عبارة عن وحدتين درج و وحدتين تخزين اسفل ووحدتين تخزين أعلى .. الموضوع مش سئ و المطبخ اللي هو عادي جدا حيصمد معايا 4 سنين على الأقل .. ده لو الواحد عامله بإحترام طبعا. و انا عاوزه تقريبا يصمد المده دي و كتر خيره
انا ركبت المطبخ بنفسي و على يومين .. الموضوع مش صعب خالص و ممكن فعلا توفر تمن التركيب منهم و تركبه انت ..طبعا ده لو صغير
خلي بالك مش كل مطابخ ايكيا عليها ضمان 20 سنة المطبخ اللي انا جبته ما عليهوش ضمان بس انا مطمن لأنه بالآخر شركة ايكيا شركة محترمه و عالميه.
أكيد الخشب العادي الطبيعي افضل .. لكن كل واحد و حسب ميزانيته بس الموضوع مش زي الناس مصوره مطابخ ايكيا معموله من الفل الأبيض
انا بنت عمي مهندسة ديكور وبتفهم كويس في الأخشاب لأن ده من طبيعة شغلها وبتقول ان الخشب بتاع ايكيا خشب حبيبي زي الصيني كده يعني ضعيف جدا. ومش بيعيش زي الخشب العادي
انا جربته هو طبعاً خشب mdf
عايزة معاملة محترمة
بالنسبة للأسطح عندهم محتاجة عناية شديدة لعدم تحملها الحرارة الشديدة
عشان تتلافي المشاكل
-جيبي السطح رخم من بره لاننا متعودين ننزل بالحلل من النار على الرخامة
– حلو فى التنظيمات و الأفكار
– اذا بتمسحي الأرض بالمية انتبهي من الأرجل تكون بلاستيك او معدن مش خشب
انا مكنش عندي المشكلة دي عشان المطبخ كان باركيه
حوالين الحوض انتبهي و لازم يكون ناشف دائماً
– جنب البوتاجاز حطي الحماية بتاعتة الحاجات السخنة ( كوسترز)
مطبخي بقاله ٣ سنين من عندهم واوف وايت كمان😄 متين الحمدلله ومفصلاته كويسة وعملت كمان عندهم خشب بدل الرخام ولحد دلوقتي مفيهوش اي مشكله الحمدلله هو اهم حاجه مش بحط عليه الحلل دايركت وهي سخنه وماسيبش المطبخ مبلول ميه وامشي بمسحه قبل مامشي وده عادي بيتعمل مع اي سطح يعني.. هم هيقولولك اهم حاجه الحراره والميه عشان تحافظ عالسطح الخشب ده مش معناه انك ماتبلوش لا عادي بيتبل وبيطرش ميه وانا بغسل وساعات بغسله هي الفكره في انك مانسيبوش وتمشي.. ولو مش عايز السطح الخشب عادي بتشتري الوحدات وهم هيدلوك على حد بتاع جرانيتبيتعاملواو معاه وحسابه لوحده وهيخصمو تمن السطح من المطبخ
برنامج ايكيا لتصميم المطابخ
تقدم ايكيا بعض الحلول البسيطة لتصميم المطابخ قبل عملية التنفيذ، وتعتبر اداة kitchen-planner من الادوات البسيطة التي تتيح عملية التصميم مع توفير معلومات وافية عن ابعاد المنتج وسعره.
كما تقدم ايكيا تطبيق IKEA Place (اندرويد | ايفون) الذي يعمل على وضع المنتجات ثلاثية الأبعاد في صورة افتراضية في مساحتك الخاصة. من خلال الجمع بين أحدث تقنيات الواقع المعزز وحلول المنزل الذكي من ايكيا.
صفحة الفيسبوك | الانستجرام | تويتر | تيليجرام | جوجل نيوز
غير مسموح بالتعليق حاليا.